Nemendur skólans nálgast fimmta hundraðið frá því fyrsta námskeiðið var haldið.  Stefna skólans frá upphafi hefur verið að allir geti sótt námið, án tillits til fyrri menntunar eða starfa.

Nemendur hafa komið úr flestum starfsgreinum þjóðfélagsins.  Sumir til að bæta eigin líðan eða aðstoða fjölskyldumeðlimi, aðrir til að bæta við verkfærum í verkfærakistu sinnar meðferðarstarfsemi og enn aðrir til þess að leggja dáleiðslumeðferð fyrir sig sem aðalstarf.

Á meðal þeirra sem hafa lært meðferðardáleiðslu eru læknar, hjúkrunarfræðingar, sálfræðingar, félagsfræðingar, prestar, nuddarar, forstöðumenn stofnana, kennarar, dýralæknar, háskólakennarar, tannlæknar, prófessorar, markþjálfar, ljósmæður, matráðar, iðjuþjálfar, sjúkraþjálfarar og svo mætti lengi telja.

Öll hafa þau verið sammála um að tímanum í skólanum var vel varið.