Roy Hunter

Roy Hunter er heimsþekktur fyrir brautryðjandastarf í Parts Therapy og Regression Therapy. Hann hefur skrifað margar bækur um dáleiðslu og skrifar reglulega greinar í helstu tímarit fyrir dáleiðslutækna.

Roy er ásamt Charles Tebbetts höfundur að stórum hluta dáleiðslunámsins sem Dáleiðsluskóli Íslands kennir Roy Hunter kennir Endurlitsdáleiðslu (Regression Therapy) og Spiritual Hypnosis á framhaldsnámskeiði skólans. Heimasíða

Ingibergur Þorkelsson

Ingibergur er stofnandi og skólastjóri Dáleiðsluskóla Íslands. Hann hefur staðið fyrir fjölda dáleiðslunámskeiða á Íslandi og víða í Evrópu og hefur unnið náið með Roy Hunter og Dr. Edwin Yager.

Hann er mjög reyndur klínískur dáleiðandi og rekur eigin stofu.

Ingibergur kennir Hugræna endurforritun á framhaldsnámskeiði skólans.

Sigurbjörg Kristjánsdóttir

er klínískur dáleiðandi og rekur eigin stofu í Reykjavík. Sem meðferðaraðili hefur hún náð góðum árangri m.a. í vinnu með kvíða, sorg, reiði og höfnun.  

Sigurbjörg hefur B.Ed gráðu frá Kennaraháskóla Íslands. Hún er kennari á grunnnámskeiði Dáleiðsluskóla Íslands og aðstoðarkennari á framhaldsnámskeiði skólans.

Heimasíða

Axel Braga

Axel Braga starfar sem sjúkraþjálfari og íþróttaþjálfari. Hann er reyndur dáleiðandi, lauk grunnnámi hjá Dáleiðsluskóla Íslands 2013 og stundaði framhaldsnám hjá bæði Roy Hunter og Dr. Edwin Yager þegar þeir kenndu námskeið við skólann. Hann er einnig reyndur kennari og hefur m.a. kennt við læknadeild Háskóla Íslands.

Axel er kennari á grunnnámskeiði Dáleiðsluskóla Íslands og sér um æfingar á fyrsta hluta framhaldsnámsins.

Nokkrar nýlegar rannsóknir færðu Ingibergi hugmyndina um hvernig hægt er að eyða kvíða og þunglyndi á fljótlegan hátt með aðstoð Centrum.

Bókin "Neural Plasticity and Memory - From Genes to Brain Imaging" sem kom út árið 2007, ritstýrt af Frederico Bermúdez-Rattoni er athyglisverð heimild.

13. kafli bókarinnar nefnist "Adrenal Stress Hormones and Enhanced Memory for Emotionally Arousing Experiences" og veitir innsýn í hvernig minningar sem verða til þegar fólk er í uppnámi eru skýrari og endast lengur en aðrar minningar.

Bókin "The Brain" eftir David Eagleman sem út kom 2015 og samnefndir sjónvarpsþættir gefa góða mynd af því sem gerist við áföll og í aðdraganda þeirra. Í aðdraganda og við áfall virkjar Mandlan (heilasvæði sem tekur mikinn þátt í myndun óttablandinna minninga) allar helstu heilastöðvar. Minningin verður afar skýr og atburðurinn virðist í minningunni hafa tekið mun lengri tíma en var raunin.

Bókin "Why We Sleep: The New Science of Sleep and Dreams" eftir Matthew Walker, sem gefin var út 2017 gefur innsýn í virkni heilans á mismunandi stigum svefns. Eitt af því sem gerist í djúpsvefni er að tilfinningum dagins er eytt. Ef þú verður reiður eða æstur hverfa þær tilfinningar á einni eða tveimur nóttum. Þú ert ekki stöðugt æstur það sem eftir er.

Með þessar upplýsingar að vopni komst Ingibergur að þeirri niðurstöðu að tilfinningar sem verða til við áföll og í aðdraganda þeirra eyðist ekki heldur séu fastar og sendi stöðugt frá sér aðvörunarmerki í huganum.

Það eru þessi aðvörunarmerki sem valda kvíða. Því fleiri og öflugri sem slíkar tilfinningar eru í huganum, því meiri verður kvíðinn.

Með aðstoð Centrum er hægt að eyða þessum föstu tilfinningum á fljótlegan hátt.

Við það hverfur kvíðinn

Við gerum okkur öll afrit í huganum af okkar nánustu og fyrirmyndum í lífinu. Á ensku nefnast þessi afrit Introject.

Hafi einhver þeirra sífellt verið með aðfinnslur og nöldur eða jafnvel brotið þig niður andlega á löngum tíma halda afrit þeirra því áfram í huga okkar.

Sumt fólk fær aldrei frið fyrir þessari afskiptasemi í eigin huga dag og nótt. Það að losna við neikvæð afrit hefur geysilega jákvæð áhrif á þann sem þau hefur mátt þola. Allt í einu verður þögn, kyrrð og friður sem hefur verið fjarri árum eða áratugum saman.

Ótrúlega margir búa við neikvæð afrit annarra í huganum. Það er þess vegna oftast fyrsta verk meðferðaraðilans að fá Centrum til að leita uppi og eyða slíkum afritum í samráði við meðferðarþegann

Börn trúa því sem þeim er sagt. Sérstaklega eru foreldrar og annað yfirvald tekin trúanleg gagnrýnislaust.

Börn trúa líka því sem þeim er sagt um þau sjálf. Ef þeim er sagt að þau geti gert hvað sem er, að þau séu góð, fær og dugleg þá verður það hluti af þeirra persónuleika.

Þegar þau vaxa úr grasi tekst þeim allt sem þau reyna jafnvel þótt aðstæður séu þannig að ólíklegt sé að árangur náist.

Sé þeim hins vegar sagt að þau séu heimsk, geti ekki lært og muni aldrei geta neitt þá verður það raunveruleiki þeirra.

Þessum einstaklingum mun aldrei takast neitt hversu góð sem ytri skilyrði eru.

Þetta er forritun.

Og sé hún neikvæð væri nær að kalla hana álög.

Rétt eins og í ævintýrunum, þegar nornin segir: Ég legg svo á og mæli um....

Centrum getur leyst fólk úr þessum álögum

John G. Watkins PhD, annar af höfundum "Ego State Theory and Therapy" skrifaði:

"Á vissan hátt erum við öll kleyfhugar (multiple personalities).

Við sýnum einn persónuleika heima, annan á skrifstofunni og enn annan í fríinu. Við skiptum sjálfi okkar í hegðunar- og reynslumynstur sem hvert um sig er viðeigandi í ákveðnum aðstæðum og ýtum um leið úr meðvitundinni viðbrögðum sem ekki ættu við í þeim aðstæðum.

Ego State kenningin er að eðlilegur persónuleiki einkennist af skipulögðum hegðunar- og reynslumynstrum sem hafa að hluta verið aðskilin hvort frá öðru í aðlögunar- og varnarskyni. "

Á ensku er talað um states, resources eða parts, þ.e. parta eða hluta af persónunni, ástand eða auð, sbr. mannauð. Mér hefur þótt að orðið þættir ætti betur við og hef þá í huga líkingu við samofna þætti kaðals. Í Hugrænni endurforritun er því talað um þætti og persónuþætti.

Það er svo eitt að vita að persónuleiki okkar skiptist í marga þætti sem skiptast á um að vera við og annað að upplifa það hjá sjálfum sér og öðrum og gera sér fyllilega grein fyrir þessari staðreynd.

Það er erfitt að gera sér grein fyrir þessu vegna þess að við upplifum (ranglega) að við séum samfellt sama persónan á öllum tímum.

Eitt öflugasta verkfærið sem Hugræn endurforritun býður uppá er Persónuþáttagreining (Parts mapping) samhliða meðferð þáttanna.

Hægt er að vinna þessa meðferð í dáleiðslu án atbeina Centrum en með hans aðstoð gengur hún hraðar.

Það er hægt að vinna með afleiðingar áfalla með góðum árangri,  t.d. kvíða, móðursár (tengslarof við móður) hvers konar fíkn, sorg, þunglyndi, vefjagigt og fjölmargt annað. Einnig er hægt er að losna undan "álögum" sem eru afleiðing innrætingar og mótunar í uppvexti.

Oft er hægt að vinna bug á berkju astma, ofnæmi og mígreni og auðvelda þungun þegar ekki finnast líkamlegar orsakir.

Frá því rannsókn var gerð fyrir tæpum 30 árum á afleiðingum alvarlegra áfalla í æsku hefur verið vitað að alvarleg áföll leiða síðar á lífsleiðinni  til hærri tíðni ýmsra sjúkdóma, slysa og sjálfsvíga og þau sem hafa upplifað mörg slík áföll lifa allt að 20 árum skemur en fólk að meðaltali.

Þar sem sálfræðingar og aðrir meðferðaraðilar eru nær alveg hættir að vinna með undirvitundina og nota viðtalsmeðferðir í staðinn, hefur náðst lítill árangur í að nýta þessar upplýsingar.

Á námskeiðinu er kennd meðferð við áföllum í æsku sem er afar öflug og um leið hraðvirk, sem finnur og leiðréttir þær breytingar og skemmdir á huga og líkama  sem áföllin hafa valdið.

Notast er við ACE listann til að finna áföllin auk þess sem leitað er í undirvitundinni að frekari upplýsingum

Hugræn endurforritun vinnur á sumum sjúkdómum sem hafa talist líkamlegir, svo sem berkju astma. Einnig hefur tekist að eyða katta- og dýrahára ofnæmi, frjó ofmæmi ofl. Hvers konar fíkn á rætur í áföllum, og hægt er að losna undan henni með Hugrænni endurforritun. Sama á við um vefjagigt, sem er nær alltaf áfallatengd.

Námskeiðið er krefjandi en mjög skemmtilegt. Að námi loknu hefur nemandinn náð góðum tökum á Hugrænni endurforritun og getur nýtt hana með meðferðarþegum sínum.

Dáleiðsluskóli Íslands fylgir nemendum eftir þegar þeir hefja störf með ráðgjöf, stuðningi og kynningum.