Í hvert sinn sem ég kem út frá dáleiðaranum líður mér eins og dálitlu af byrðinni hafi verið létt af mér. Álfheiður/Dáleiðarinn er eina manneskjan sem hefur getað hjálpað mér að losna undan sárum minningum, auk þess sem mér hefur líka tekist að hætta áratuga löngum vana af því að naga á mér neglurnar.

Mér leið vel í tímanum með Álfheiði og treysti henni strax frá byrjun svo upplifun mín var mjög jákvæð. Mér fannst við ná að dekka mikið og vel en á annan hátt heldur en hefur verið gert eins og t.d. hjá sálfræðingi.

Ég hef miklu meiri trú á minni eigin getu, upplifi mig ekki sem heimska og að ég þurfi að reyna að fela það fyrir öðrum. Þessi tilfinning er nánast horfin og auðveldar mér talsvert að stunda nám. Mikil og jákvæð breyting.

Kvíði og hræðsla - Tíminn sem ég fór í var mjög góður og erfiður, ég varð öll mikið léttari, ég fékk svör við ýmsu sem ég hef verið að leita eftir lengi. Mér er mikið létt og mér líður mikið betur varðandi ákveðin mál sem hafa verið mjög erfið.

Ég hafði verið slæm af höfuðverk um tíma og langaði að athuga hvort dáleiðsla gæti hjálpað mér. Ég hafði mjög hóflegar væntingar þegar ég fór í minn fyrsta dáleiðslutíma en höfuðverkjaköstunum fækkaði mikið í kjölfar meðferðarinnar. Álfheiður hefur góða nærveru, er afar fagleg og ég fann til öryggis á meðan á dáleiðslunni stóð sem var mér mjög mikilvægt.

Fín upplifun, líður betur og nýti mér slökunina vel sem ég lærði.

Mjög áhrifarík meðferð við meðvirkni. Upplifði létti og fann að ákveðin einkenni hurfu.